Azərbaycanın İqtisadi inkişaf nazirliyi "Neft-qaz sahəsində ixrac fəaliyyəti haqqında" qanun layihəsi hazırlayıb. Bu barədə Trend ə İqtisadi inkişaf naziri Heydər Babayev bilidirib. Nazir qeyd edib: "Qanun layihəsindəki güzəştlər gözdən keçirilməyəcək, Vergi məcəlləsində nəzərdə tutulduğundan fərqli vergi qoyuluşuna malik şirkətlərin vergi qoyma qaydası isə gözdən keçiriləcək".
Layihənin işlənməsində əsas məqsəd Azərbaycanda qeydiyyatdan keçmiş, əməliyyatları ölkənin hüdudlarından kənarda aparan xarici şirkətlər üçün vergi yükünün azaldılmasından ibarətdir. Nazir onların arasında Total, Bos Shelf və Maersk şirkətlərinin adını çəkib. Bu şirkətlər ölkənin hüdudlarından kənarda həyata keçirilən regional layihələrdə iştirak etmək üçün vergi güzəştlərinin təklif olunması üzrə təkliflərlə hökümətə müraciət ediblər.
Azərbaycanda layihələr üzrə fəaliyyətin tamamlanması ilə əlaqədar, onlar Qazaxıstandan sifariş qəbul edirlər. Azərbaycandakı əməliyyatları həyata keçirməyi davam etdirərkən, şirkətlər Azərbaycanın həm gömrük, həm də vergi qanunvericiliyinə riayət etməlidirlər.
