2006-cı ilin yanvar-may aylarında Azərbaycanda 669,6 mln. manat həcmində inşaat işləri həyata keçirilib ki , bu da ötən ilki göstərici ilə müqayisədə 12,1% çoxdur. Trend agentliyinin Dövlət Statistika Komitəsinə istinadən yaydığı məlumata əsasən, dövlət müəssisələri tərəfindən 102,4 mln. manat həcmində, özəl müəssisələr tərəfindən isə - 567,2 mln. manat həcmində iş həyata keçirilib.
İnşaat işlərinin 80,8%-i və ya 540,7 mln. manat yeni tikililər, bərpa və genişləndirmə, 10,3%-i və ya 68,9 mln. manat əsaslı təmir, 4,3%-i və ya 29,1 mln. manat cari təmir, 4,6%-i və ya 30,9 mln. manat digər tikinti işlərinin payına düşür. Bu müddət ərzində tikinti sahəsində çalışan işçilərin nominal əmək haqqı 304,3 manat, ötən ilin müvafiq müddətinə nisbətğən 19,1% çoxdur.
Milli Bankın məlumatlarına əsasən, 17.06.06 tərixinə dolların manata nisbətdə rəsmi məzənnəsi 0,8963 AZY təşkil edib.