2006-cı ilin yanvar-mart aylarında Azərbaycanın gömrük orqanları tərəfindən 71 292 yük gömrük bəyannaməsi qeydiyyata alınıb. Bunun 15 494-ü ixracın, 55 798-i isə idxalın payına düşür. Trend agentliyinin Dövlət Gömrük Komitəsinə (DGK) istinadən yaydığı məlumata əsasən, bəyannamələrin sayı ötən ilin müvafiq dövrilə müqayisədə 108,62% və ya 5 660 bəyannamə, o cümlədən, ixrac bəyannamələri artımı 2 873 ədəd (122,76%), idxal - 2 787 ədəd (105,26%) təşkil edib.
Bu müddət ərzində nəqliyyat vasitələri tərəfindən 10393,8 min ton yük daşınıb ki, bu da ötən ilə nisbətən 146,7% təşkil edir. Ümumi yükün 5822,5 min tonu -ixracın, 4571,3 min tonu - idxalın payına düşüb. İxrac əməliyyatları üzrə dəniz (3008,1 min ton), dəmir yolu (470,3 min ton), avtomobil (210,4 min ton) nəqliyyatı və boru kəmərləri (2126,1 min ton) fərqlənib.
Tranzit qismində Azərbaycan ərazisindən 2661,6 min ton yük daşınıb. Yüklər əsasən İsveçrə (797,9 min ton), İtaliya (696,9 min ton), Gürcüstan (458,6 min ton), Kipr (106 min ton), Tacikistan (119 min ton), Rusiya (84,1 min ton), İran (81,2 min ton), Türkiyə (74,6 min ton) və Türkmənistandan (73,2 min ton) daşınıb. Tranzit yükünün ümumi həcmi 67,50% təşkil edib və ya ötən ilin müvafiq dövri ilə müqayisədə 1281,4 min ton azılıb.