"Azərenerji" SC Mingəçevirdə AzİES-nın bərpası üçün AYİB tərəfindən kreditin təsdiqlənməsi məsələsinin yubanması ilə bağlı narahat deyil. "Azərenerji" SC-nin baş mühəndisi Saleh Məmmədovun Trend ə bildirdiyinə görə, iyunun 27-də AYİB-in Direktorlar Şurasında kredit məsələsinin müzakirə edilməməsi prosedur məsələləri ilə bağlıdır və bu, layihənin həyata keçirilməsinə təsir göstərməməlidir.
Hazırda layihə üzrə məsləhətçi müəyyənləşdirilib (Yaponiyanın Enprima) və artıq baş podryatçının müəyyənləşdirilməsi haqqında tender elan edilib.
Nazirlər Kabinetində dünənki iclasda məsələnin müzakirə edilməməsini hökumət tərəfindən danışıqlar protokolunun təqdim edilməməsilə izah edib. Bu protokolun əsasında hökumət banka müvafiq bildiriş göndərir.
AYİB-in krediti əsasən turbin avadanlığının bərpasına və ətraf mühitin yaxşılaşdırılması üzrə tədbirlərin görülməsinə yönəldiləcək. Bu işlərin dəyəri $150 mln. həcmində qiymətləndirilir. $115 mln. AYİB tərəfindən ayrılacaq. Kredit Avropa Bankının standart şərtləri ilə veriləcək: 3 illik güzəşt və libor+1% dərəcəsilə 15 il müddətinə.
