Azərbaycanın özəl sektoruna dəstək layihəsi çərçivəsində avqustun 10-dan 15-dək Asiya İnkişaf bankının lizinq sahəsi üzrə missiyasının Vilyam Vilmsin başçılığı altında Bakıya səfəri gözlənilir. Bankın Bakı nümayəndəliyindən Trend ə verilən məlumata görə, bank bu layihə çərçivəsində gələcək əməkdaşlığın istiqamətlərini müəyyən etmək üçün ölkənin lizinq şirkətləri ilə məsləhətləşmələrə başlayır. Səfər zamanı missiya şirkətlərin hər biri ilə görüş keçirəcək.
Özəl sektor üçün nəzərdə tutulmuş ümumi büdcə $15 mln təşkil edir. Layihə 2006-cı ilin martında AİB-in Direktorlar Şurasında qəbul edilib.
İndiyədək layihə çərçivəsində iki kommersiya bankına - Azəriqazbanka və "Respublika" banka $4 mln məbləğində kredit xətti ayrılıb.
Bütövlükdə AİB layihəsi bank və lizinq şirkətlərinin səhm kapitalına sərmayə qoyuluşunu, kredit xətlərinin açılmasını nəzərdə tutur.