2006-cı ilin yanvar-iyul aylarında Azərbaycanın gömrük orqanları 102759 yük gömrük bəyannaməsi rəsmiləşdirib (əlavə vərəqlə 137151). Onlardan 22514-ü (əlavə vərəqlə 25880-i) ixracın, 80245-i isə (əlavə vərəqlə 111271-i) idxalın payına düşüb.
Trend in Dövlət Gömrük Komitəsinə (DGK) istinadən verdiyi xəbərə görə, 2005-ci ilin həmin dövrü ilə müqayisədə bəyannamələrin ümumi sayı 109,50% və ya 8882 bəyannamə artıq, o cümlədən ixrac üzrə bəyannamələr üzrə 3367 (117,59%), idxal üzrə 5515 ədəd (107,38%) olub.
Bu dövr ərzində bütün nəqliyyat vasitələri ilə 13649,8 min ton yük daşınıb, bu isə ötən illə müqayisədə 133,11% təşkil edib. Ümumi yükdən 7481,3 min ton ixracın, 6168,5 min ton idxalın payına düşüb. İxrac əməliyyatları üzrə dəniz (4228,5 min ton), dəmir yolu (725,6 min ton), avtomobil (290,9 min ton), boru kəməri ilə nəql (2227,4 min ton) əməliyyatları fərqlənib.
Azərbaycan ərazisindən tranzitlə 3723,1 min ton yük daşınıb. Yüklər əsasən İsveçrə (1144,9 min ton), İtaliya (897,6 min ton), Gürcüstan (755,6 min ton), Kipr (112 min ton), Tacikistan (193,4 min ton), Rusiya (102,9 min ton), İran (106,5 min ton), Türkiyə (103,3 min ton) və Türkmənistandan (106 min ton) gətirilib. Azərbaycan ərazisindən keçən tranzit yükünün ümumi həcmi 73,2% təşkil edib və ya 2005-ci ilin analoji dövrü ilə müqayisədə 1375,3 min ton aşağı düşüb.