Bu gün Beynəlxalq Valyuta Fondunun (BVF) texniki missiyası Azərbaycanın maliyyə naziri Samir Şərifovla görüşdə Mərkəzi Asiya və Azərbaycanda dövlət borcunun idarəsi üzrə texniki yardım regional layihəsinin həyata keçirilmə nəticələrini müzakirə edib. Bu barədə Trend ə Maliyyə Nazirliyindən xəbər verilib. Maliyyə naziri artıq 2006-cı ilin sonuna qədər tamamlanacaq layihəni yüksək qiymətləndirib.
Qonaqlar ölkənin xarici borcunun idarə məsələləri ilə məşğul olan Xarici İqtisadi əlaqələr idarəsinin funksional strukturunun və aspektlərin gələcək aylarda hazırlanma fikri haqqında məlumat verib. Bu təkliflər Maliyyə Nazirliyinə təqdim olunacaq yekun sənəddə öz əksini tapacaq.
BVF-in missiyası artıq iki gündür ki, Bakıdadır. Missiyanın tərkibinə yeni layihənin regional koordinatoru Verner Rike, BVF-in texniki yardımın idarəsi üzrə şöbəsinin nümayəndəsi Andrea Sivyero və Seco-nun cari layihəsinin xarici borc üzrə regional koordinatoru Qulami Azərbaycani daxildir.
2 mln. ABŞ dolları büdcə ilə layihə 2004-cü ildə başlayıb, lakin ötən il layihənin daha bir il müddətinə uzadılması barədə qərar qəbul olunub. Qərargahı Bişkekdə yerləşir.
Layihənin maliyyələşdirilməsi İsveçrənin İqtisadi əməkdaşlıq üzrə Dövlət katibliyinin (SECO) texniki yardım qrantı hesabına həyata keçirilir, layihənin icrasına isə BVF nəzarət edir. Layihənin həyata keçirilmə müddətinin uzadılma zərurəti dövlət borcunun dayanıqlılığının təmin olunması üçün yeni vəzifələrin əmələ gəlməsi ilə əlaqədardır. Layihə çərçivəsində kompüterləşdirmə, lokal şəbəkənin yaradılması və treninqlərin keçirilməsi, Maliyyə Nazirliyinin Xarici İqtisadi Əlaqələr üzrə idarəsinin əməkdaşlarına ingilis dilinin öyrədilməsi üçün vəsait ayrılıb.
