...

"Azərbaycanın şimali-şərq regionlarının inkişafı" layihəsi çərçivəsində kredit təşkilatlarının seçilməsinə başlanılıb

Biznes və iqtisadiyyat xəbərləri Materials 5 Sentyabr 2006 19:00 (UTC +04:00)

Trend-i buradan izləyin

Kənd Təsərrüfatının İnkişafı Beynəlxalq Fondu (İFAD) ilə birgə həyata keçirilən "Azərbaycanın şimali-şərq regionlarının inkişafı" layihəsi çərçivəsində kredit təşkilatlarının seçilməsinə başlanılıb. Trend Azərbaycan Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinə istinadən xəbər verir ki, kiçik və orta sahibkarlıq subyektlərinə qısa müddətli və uzun müddətli kreditlər verəcək qeyri-bank kredit təşkilatlarının və kommersiya banklarının seçimi üzrə müsabiqə elan olunub.

Maraqlı təşkilatlar ərizələrini, fəaliyyətlərinə dair ətraflı informasiyanı, son 3 ili özündə əks etdirən maliyyə hesabatını sentyabrın 25-dək təqdlim etməlidirlər.

Azərbaycanın şimali-şərq regionlarının inkişafına yönələn bu layihə 15012 ailənin yaşayış tərzinin yaxşılaşdırılmasına xidmət edəcək. Layihənin həyata keçirilməsi hesabına Abşeron, Siyəzən, Dəvəçi və Xızı bölgələrində ikinci və üçüncü dərəcəli suvarma işləri həyata keçiriləcək. Layihə çərçivəsində bölgələrdə 4 mln. 500 min dollara yaxın orta müddətli kreditlərin verilməsi nəzərdə tutulur.

Layihənin ümumi dəyəri 25 mln. 148 min dollar dəyərində qiymətləndirilir ki, bunun da 12 mln. dollardan çoxu İFAD tərəfindən ayrılıb.

İFAD-la saziş 2005-ci il iyulun 19-da imzalanıb.

Xəbər lenti

Xəbər lenti