Azərbaycanın Ümumdünya Ticarət Təşkilatına (ÜTT) daxil olması üzrə növbəti danışıqların bu ilin sonuna kimi Cenevrədə keçirilməsi planlaşdırılır. Bu barədə Trend ə Azərbaycanın xarici işlər nazirinin müavini Mahmud Məmmədquliyev məlumat verib.
Onun sözlərinə görə, Cenevrə danışıqlarınadək ola bilsin ki, Türkiyə, Avropa İttifaqı və Azərbaycanın danışıqlar aparmalı olacağı digər ölkələrlə, o cümlədən ABŞ və Kanada ilə danışıqlar baş tutsun.
Nazir müavininin qeyd etdiyi kimi, hazırki mərhələdə Azərbaycan artıq Gürcüstan, Moldova və Omanla ikitərəfli danışıqları başa çatdırıb.
