İqtisadi İnkişaf Nazirliyinin milli valyutanın dollara nisbətdə məzənəsinin möhkəmlənməsi ilə bağlı mövqeyi məzənnənin artım tempinin minimumadək maksimum azaldılmasından ibarətdir.
"Bizim mövqeyimiz Nazirlər Kabinetinin 2007-ci ilin büdcə proqnozları paketinin müzakirəsinə həsr olunmuş dünənki iclasında açıqlanıb. Ancaq milli valyutanın dəyərinin bahalaşması qaçılmazdır. Belə ki, ölkəyə böyük həcmdə xarici valyuta daxil olur və bu axın manatın möhkəmlənməsinə gətirib çıxarır ki, bu da antiinflyasiya tədbirləri alətlərindən biridir". Trend in xəbər verdiyi kimi, bu barədə iqtisadi inkişaf naziri Heydər Babayev bildirib.
Nazirliyin proqnozlarına görə, manatın 1 ABŞ dollarına nisbətdə məzənnəsi 0, 8587 manat həcmində müəyyən edilib.