Daşınmaz əmlakın dövlət reyestri xidmətinin qiymətləndirmələrinə görə, Azərbaycanda mənzillərin qiyməti hər il orta hesabla 10-15% artır. Trend xəbər verir ki, bu barədə bu gün Daşınmaz əmlakın dövlət reyestri xidmətinin başçısı Arif Qaraşov "Yeni Azərbaycan" partiyasının qərargahında keçirilən mətbuat konfransında bildirib.
Onun sözlərinə görə, bunun iki səbəbi var: tikintinin maya dəyərinin artması və fiziki və hüquqi şəxslərin öz evlərinin qiymətini müəyyən etmək üçün ölkə konstitusiyasının onlara verdiyi hüquqdan istifadə etməsi.
Lakin bu prosesdə başlıca rolu torpağın qiymətinin artması oynayır. Hazırda torpağa və onun əldə olunmasına böyük maraq göstərilir.
