2006-cı ilin birinci yarısında vergi yığımlarının icrası səviyyəsi, cari ilin əvvəlinə olan borclar da daxil olmaqla, 24% təşkil edib. O cümlədən vergi yığımı dövlət mülkiyyəti üzrə 23,7%, xüsusi mülkiyyət üzrə - 11,6%, bələdiyyələr üzrə - 4,9%, xarici mülk üzrə - 90,8%, müştərək mülkiyyət üzrə isə 60% icra olunub. Trend in xəbər verdiyi kimi, bu barədə Azərbaycan Hesablama Palatasının məlumatında deyilir.
2006-cı ilin yanvar ayının əvvəlinə olan dövlət mülkiyyəti üzrə borclar Azərenerji SC (4,3%), Azərikimya (3,8%), AZAL (7,4%), Xəzər Dəniz Gəmiçilik İdarəsi (14,5%), Azəriqaz (15,1%) kimi iri vergi ödəyiclərinin borcları ilə əlaqədardır.
Maliyyə Nazirliyinin büdcəyə borcu 2034,9 mln. manatdan (2006-cı ilin yanvar ayı üçün) 1687,9 mln. manatadək azalıb.
Bu dövr ərzində xüsusi mülkiyyət üzrə borcdar 445,7 mln. manat (41,8%), xarici mülk üzrə - 35 mln. manat (57,6%), müştərək mülkiyyət üzrə isə 2,5 mln. manat (36,8%) azalıb. Dövlət mülkiyyəti üzrə borclar 136,4 mln. manat (15,1%) artıb. Borcların artımı, əsasən, Azəriqaz (37,5 mln. manat və ya 94,3%), Azərenerji (26,8 mln. manat və 28,8%), AZAL (19,4 mln. manat və 38,4%), Azərsu (9,6 mln. manat və 30,5%), başqaları (79,7 mln. manat və ya 90,9%) kimi iri vergi ödəyiciləri hesabına yaranıb.
