2006-cı ilin 9 ayı ərzində Azərbaycanda 134,8 min yeni iş yeri açılıb. Bunun 75 mini daimidir. Oktyabrın 26-da keçirilmiş mətbuat konfransında Dövlət Statistika Komitəsinin sədri Arif Vəliyev bildirib ki, 3 il ərzində cəmi 481 min yeni iş yeri açılıb. Trend in məlumatına görə, burada daimi iş yerlərinin payı 248 minə bərabərdir.
DSK mütəxəssislərinin 2003-cü ildən apardığı müşahidələrə əsasən, hər rüb ölkədə orta hesabla 30-40 min yeni iş yeri açılır. Bunun 51-52%-i daimi əsaslıdır.
DSK sədri hesab edir ki, yeni iş yerlərinin açılması işsizlərin sayının azalmasına gətirib çıxarır. Əgər 1999-cu ildə əhalinin siyahıya alınmasının nəticələrinə görə Azərbaycanda 551 min işsiz var idisə, 2003-cü ildə bu rəqəm 400-dək azalıb. 3 rüb ərzində olan məlumatlara görə, ölkədə 54,728 min nəfər işsiz statusu alıb. Ancaq işsizlərin sayı 300 min nəfərdir.
