2006-cı ilin yanvar-sentyabr aylarında Azərbaycan Maliyyə Nazirliyi üzvlük haqqı qismində ictimai-siyasi və beynəlxalq maliyyə təşkilatlarına 4,8 mln. ABŞ dolları ödəyib. Bu barədə Trend ə nazirlikdən məlumat verilib. Dövlət büdcəsində 2006-cı ildə bu məqsədlər üçün cəmi 8,4 mln. manat (təxminən 9,3 mln. ABŞ dolları) ayrılıb. BMT-nin payına düşən 4,6 mln manatdan ilin əvvəlindən artıq 1,71 mln. manat (1,9 mln. ABŞ dolları) ödənilib. İctimai-siyasi təşkilatlar üçün nəzərdə tutulmuş 3,1 mln. manatdan üzvlük haqlarının ödənilməsi üçün 2,61 mln. manat (2,9 mln. ABŞ dolları) verilib.
Maliyyə təşkilatları arasında ən böyük ödəniş - 1,3 mln. manat - Qara dəniz Ticarət və İnkişaf Bankının (QTİB) payına düşür. Ölkənin bankdakı payı 6 mln. SDR təşkil edir, bu məbləğdən 2 mln. SDR AR-in QTİB üzvlüyünə daxil olması haqqında Sazişin təsdiqindən dərhal sonra ödənilməlidir. Üzvlük haqlarına görə ölkənin 2006-cı ildə AYİB-ə olan borcunu nəzərə alaraq, onların bir hissəsinin ödənilməsi nəzərdə tutulub və bunun üçün 1,1 mln. manat ayrılıb. Valyuta fondunda üzvlüyə görə AR 225 min manat, DB-də üzvlüyə görə isə - 900 min manat ödəyəcək. Asiya inkişaf bankı ilə vəziyyət tam başqa cürdür. Bu bank ölkə üçün ilk kreditin təsdiq olunmasına qədər üzvlük haqqının ödənilməsini tələb edib. İndi artıq AİB-də ödəniş həcmi azalıb və 2006-cı il üçün 270 min manat ayrılıb. İslam inkişaf bankı üçün də həmçinin 90 min manat məbləğində ödəniş nəzərdə tutulub.
İctimai-siyasi təşkilatlardan ən böyük üzvlük haqqı Avropa Şurası və onun təşkilatları üçün 760 min manat nəzərdə tutulub və artıq 9 ay ərzində bu məbləğdən 560 min manat ödənilib. MDB-nin bütün qurumlarına ödənişi nəzərə alaraq, 400 min manat ayrılıb və artıq 330 min manat ödənilib. O cümlədən MDB Parlament Assambleyası üçün - 108 min manat və MDB İcra komitəsi üçün - 150 min manat ödənilib. Hesabat dövrü ərzində İslam konfransı təşkilatına 558 min manat, UNİIDO-ya - 154 min manat, FAO-ya - 130 min manat, UNESKO baş katibliyinə - 329 min manat, Ümumdünya səhiyyə təşkilatına - 110 min manat, ATƏT-ə - 54 min manat, QİƏT-ə - 49 min manat, QİƏT Parlament Assambleyasına - 33 min manat və s. ödənilib.
Ölkə təxminən 50 təşkilatın üzvüdür.