Azərbaycanın İqtisadi İnkişaf Nazirliyi 2007-2010-cu illər Dövlət İnvestisiya Proqramını 10 milyard manat dəyərində qiymətləndirir. Trend -in verdiyi xəbərə görə, bunu 2007-ci il üçün dövlət layihəsinin bugünkü müzakirəsində iqtisadi inkişaf naziri Heydər Babayev bildirib. Onun sözlərinə görə , onun reallaşdırılmasının 75%-i dövlət, qalanları isə xarici kreditlər hesabına olacaq.
Makroiqtisadi praqnoza əsasən, 2007-2010-cu illərdə Azərbaycan höküməti dövlət proqramı çərçivəsində infrastruktur layihəsinin reallaşdırılmasına 4 milyard manatdan çox həcmdə yerli vəsait qoyacaq, xarici investisiyalar isə 2,4 milyard manat təşkil edəcək. Sosial məna kəsb edən layihələrin reallaşdırılması üçün 2011-ci ilə kimi yerli investisiyaların həcmi 974,6 milyon manat, xarici investisiyaların həcmi isə 15 milyon manat olacaq. Bundan əlavə, bu mərhələ ərzində institusional layihələrə müvafiq olaraq 8,2 milyon manat və 63 milyon manat istiqamətləndiriləcəyi planlaşdırılır. Maliyyə naziri Samir Şərifov gələn il büdcə hesabına maliyyələşdiriləcək investisiya layihələri haqqında məlumat verib. Zərifə Əliyeva adına Oftalmalogiya Mərkəzinin genişləndirilməsi üçün 12 milyon manat, Heydər Əliyev adına Respublika Sarayınının və digər mədəniyyət obyektlərinin təmiri üçün 18,7 milyon manat, yolların tikintisi və təmiri üçün 272 milyon manat, su sisteminin yaxşılaşdırılması üçün 52 milyon manat, meliorasiya sisteminin yaxşılaşdırılması üçün 70 milyon manat, qazlaşdırma üçün 24,3 milyon manat, enerji təchizatının yaxşılaşdırılması üçün 180 milyon manat, Lənkəran və Zaqatala aeroportlarının tikintisinin başa çatdırılması üçün 25 milyon manat, yeni metro xətlərinin tikilməsi, eləcə də yeni vaqon və avadanlıqların alınması üçün 34,8 milyon manat, Bakıdakı tarixi abidələrin təmiri və paytaxtın abadlaşdırılması üçün 66,8 milyon manat ayrılıb.
S.Şərifovun sözlərinə görə, yeni magistral yollarının tikintisi, eləcə də hazırkı yolların təmiri üçün dövlət büdcəsində "Avtomobil yolları fondu" yaradılıb.
