2006-cı ilin yanvar-oktyabr aylarında Azərbaycanın 136 xarici ölkə ilə həyata keçirdiyi ticarət əməliyyatlarının həcmi $9420701,5 min təşkil edib. Trend in Dövlət Gömrük Komitəsinə istinadən xəbər verdiyi kimi, bu dövr ərzində $5210321,7 min məbləğində 2087 növ məhsul ixrac, $4210379,8 min məbləğində 5666 növ məhsul isə idxal olunub. Beləliklə, idxal-ixrac əməliyyatları üzrə $999941,9 min dəyərində müsbət saldo əmələ gəlib.
2005-ci ilin həmin dövrü ilə müqayisədə ixrac əməliyyatlarının həcmi 40,74% ($1508209,6 min), idxal əməliyyatlarının həcmi isə 19,69% ($692562,1 min) çox təşkil edib.
Müvəqqəti ixrac rejimində Azərbaycandan $31543,5 min məbləğində mal ixrac olunub. İdxalın həcmi $297885,7 min təşkil edib.
