Bu gün "Azərbaycan İnvestisiya Şirkəti" SC -nin Müşahidə Şurasının sədri, iqtisadi inkişaf naziri Heydər Babayev AİŞ-in Garadag Cement-in yeni layihəsində iştirakı ilə bağlı Holcim müəssisələrinin MDB bölgəsi üzrə koordinatoru Gareth Babbs ilə danışıqlar aparıb.
H.Babayevin Trend ə verdiyi xəbərə görə, Holcim və AYİB hüquqşünasları arasında bütün rəsmi məsələlərin həllindən sonra investisiya şirkətlərinin danışıqlara qoşulması haqqında razılıq əldə olunub.
"Hələ danışıqlar Holcim və AYİB-ə aiddir, onların məsələləri həll olunduqdan sonra AİŞ danışıqlara qoşulacaq. İnvestisiya şirkətinin Garadag Cement -də iştirakına münasibət çox müsbətdir", - deyə nazir qeyd edib.
İnvestisiya şirkəti AİŞ iştirak payının alınması limiti çərçivəsində mümkün olan 20 % həcmində maksimal payı alacağına ümid edir.
AYİB-in direktorlar şurası Garadag Cement-də 10 mln. ABŞ dollarına 20% iştirak payının alınması haqqında qərar qəbul edib. Gareth Babbs bildirib ki, Avropa Bankı ilə saziş, demək olar ki, 99% başa çatıb, yalnız müəssisənin fəaliyyətinin ekoloji standartlara uyğunlaşdırılması üzrə müəssisənin öhdəliklərinə dair texniki və hüquqi məsələri həll etmək lazımdır. O ehtimal edir ki, yaxın vaxtlarda bu məsələlər həll olunacaq, ən əsası müvafiq səviyyəyə qədər çatdırılma müddəti haqqında razılığa gəlməkdir.
Layihənin ümumi dəyəri 13,3 mln. ABŞ dolları məbləğində qiymətləndirilir. Layihənin başlıca məqsədi - ətraf mühitə təsirin azaldılmasıdır. Ətraf mühitin yaxşılaşdırılması üzrə bütün tədbir və sərmayələr ətraf mühit üzrə fəaliyyət planına daxil edilib və bu, AYİB-in bu layihədə iştirakı üçün şərtdir.
AYİB Garadag Cement-i 1999-cu ildə özəlləşdirmiş İsveçrənin Holcim şirkətinin paketindən səhmlərin bir hissəsini alacaq. Səhmlərin 89,4%-i şirkətin, qalanları isə - kiçik səhmdarların sərəncamındadır. Avropa Bankı 5-7 il müddətinə müəssisə səhmdarlarının tərkibinə daxil olmağı planlaşdırır.
