11-14 dekabrda Rumıniyada keçirilməsi planlaşdırılan Azərbaycan-Rumıniya biznes-forumu Azərbaycan tərəfinin təşəbbüsü ilə təxirə salınıb. Bu barədə eksklüziv olaraq Trend ə Azərbaycanın Rumıniyadakı səfiri Eldar Həsənov bildirib.
O qeyd edib: "Bu günlərdə Qazaxıstanda başqa bir böyük forum keçirilir və Azərbaycan-Rumıniya biznes forumunu yüksək səviyyədə təşkil etmək üçün bu tədbiri 2007-ci ilin aprel-may aylarına keçirmək barədə qərar qəbul edilib".
Azərbaycanın iqtisadi inkişaf naziri Heydər Babayevin Qazaxıstana rəsmi səfəri çərçivəsində sabah Astanada "Qazaxıstan-Azərbaycan: əməkdaşlıq perspektivləri" mövzusunda biznes-forum öz işinə başlayır.
