2007-ci ilin əvvəlində dövlət kapital Bankı sonrakı üç ilə hesablanmış yeni strateji planın işlənib hazırlanmasına başlayacaq. Trend in bankın idarə sədri Rauf Rzayevə istinadən verdiyi xəbərə görə, əvvəlki plan 2004-cü ildə işlənib hazırlanıb və üçillik dövrü əhatə edib.
Bankın fəaliyyətində yeni strategiya ölkədəki ümumi iqtisadi proqnoza əsaslanır.
R. Rzayevin sözlərinə görə, hazırda işləyən strateji plandakı inkişafın göstəricilərinin hesablanması ilə Kapital Bankın 2007-ci ildəki və baxılmaq üçün artıq müşahidə şurasına təqdim olunmuş büdcəsi hazırlanır.
"Bütün bank göstəriciləri üçün 15-20% artırılma nəzərdə tutulub. Bankın bazar payını 5%-ə çatdırmaq planlaşdırılır, maliyyə xidməti bazarının bəzi seqmentlərinə görə (plastik kartlar üzrə) Kapital Bankın payı 30%ə çatır. Bu gün üçün bank 480 min kartoçka buraxıb"-deyə bank rəhbəri qeyd edib.
Bir neçəsinin milli əhəmiyyət daşıdığı sosial və iqtisadi layihələrin həyata keçirilməsində dövlət agenti kimi Kapital Bank Azərbaycanın ödəmə sistemində və iqtisadiyyatında mühüm rol oynayır. Bu barədə Moody` s beynəlxalq reytinq agentliyinin hesabatında qeyd olunur. Beynəlxalq standartlara görə kiçik olan dövlət bankı Kapital Bankölkədə böyüklüyünə görə ikinci, aktivinə, borclarına və individual müştərilərinin depoziit həcminə (2006-cı ilin 30 iyununa görə olan vəziyyətə uyğun olaraq bazar payı 4,6%,3,8% və 4,9%) görə üçüncüdür. Bankın ödəmə sistemində əhəmiyyəti onun ümummilli ərazi əhatəsi ilə əlaqədardır: Kapital Bank Azərbaycanda ən böyük bank şəbəkəsidir və ödəmələrin əhəmiyyətli hissəsini həyata keçirir. Bankın dəstəyindən imtina etmək ödəmə sisteminə ciddi ziyan vura bilər. Moody`sun rəyində belə deyilir.
