Trend xəbər verir ki, 2007-ci il yanvarın 1-i üçün Azərbaycanda rəsmi qeydiyyatdan keçmiş fiziki şəxslər-qeyri rezidentlərin sayı 3000 nəfərdən artıqdır. 2006-cı ilin nəticələrinə həsr olunmuş mətbuat konfransında Dövlət Statistika Komitəsinin başçısı Arif Vəliyev bildirib ki, xarici vətəndaşlar əsasən neft şirkətlərində qeydiyyatdan keçiblər. Lakin qeyri-rezidentlərin dəqiq sayını demək mümkün deyil, belə ki, respublikada qeydiyyatdan keçməmiş işləyən xricilər də var. Bu, əsasən Türkiyə vətəndaşları arasında müşahidə olunur. 2006-cı ilin nəticələrinə görə, respublikda sahibkarlıqla məşğul olan 243 min fiziki şəxsin 99 faizi iqtisadi cəhətdən fəaldır. 74 min rəsmi qediyyatdan keçmiş hüquqi şəxslərin 20-25 faizi praktiki olaraq fəaliyyətdə deyil.
Hazırda 2009-cu ildə Azərbaycanda əhalinin siyahıya alınmasının aparılması ilə bağlı tədbirə hazırlıq işləri görülür.