"Rus Alüminium" AC-i ilə Azərbaycan hökumətinin Azərbaycanda alüminium zavodunuun inşası ilə bağlı danışıqlar müvəqqəti olaraq dayandırılıb. RF-nin Azərbaycandakı ticarət nümayəndəliyinin rəhbəri Yuri Şedrinin Trend ə verdiyi məlumata əsasən, fasilənin səbəbi "RusAl"ın yenidən təşkil olunması və onun yeni "SuAl" şirkəti ilə birləşməsi ilə bağlıdır.
Onun sözlərinə görə, hazırda AC-də menecment dəyişikliyi gedir. "Cənub istiqamətində əməkdaşlıq məsələləri üzrə işləyəcək menecment Azərbaycanla işin davamlılığnıda və alüminium zavodunun inşa edilməsi üzrə layihənin inkişaf etdirilməsində maraqlıdır", deyə Y. Şedrin qeyd edib.
Yuriy Şedrin yeni zavodun inşası üçün investisiyanın 1 milyar dolları aşacağını bildirib. Layihənin həyata keçirilməsinə qədər tərəflər iştirak şərtləri barədə razılaşmaq niyyətindədir. "Mütəxəssislərin hesablamalarına görə, alüminiumun ümumi istehsalında elektrik enerjisinin sərf olunması 75% təşkil edir, buna görə də əsaslı enerji gücünə nail olmadan alüminiumun istehsalı real deyil. Bununla bağlı Rusiya tərəfi bu layihə çərçivəsində enerji resurslarına görə güzəştlərin yaradılması üçün bir sıra tələblər irəli sürüb. Çünki alüminiumun istehsalı - enerjitutumlu prosesdir", deyə ticarət nümayəndəliyi qeyd edib.
Bu və başqa şərtlərə görə razılaşmalar hələ də əldə olunmayıb.
