Azərbaycan Kənd Təsərrüfatı Nazirliyi arıçılıq məhsulllarının altıncı ümumrespublika sərgi-yarmarkası 2007-ci ilin sentyabrında keçirmək niyyətindədir. Bu barədə Trend ə kənd təsərrüfatı nazirliyinin damazlıq və otlaq işi, heyvandarlıq məhsullarının emalı və istehsal şöbəsinin rəhbəri Çingiz Fərəcov məlumat verib.
Ölkənin bütün regionlarından arıçıların iştirak edəcəyi sərgi-yarmarkanın əsas məqsədi ölkədə arıçılığın inkişafına kömək, Azərbaycanın daxili bazarının müdafiəsidir.
2006-cı ildə yarmarkada Azərbaycanın 60 şəhərindən - Daşkəsən, Quba, İmişli, Yardımlı, Balakən, Qax, Ağdaş, İsmayıllı, Lənkəran, Şəki, Oğuz, Naxçıvan, Göyçay və b. 200-dən çox arıçı iştirak edib.
