Azərbaycan, Bakı/müxbir Trend S.Babayeva/ Baku Steel Company (BSC) şirkəti lazımi metal xammal həcminin toplanması ilə bağlı istehsalatda yaranmış çətinliklərə görə əməkdaşlarının ştatını ixtisar etməməyə çalışır. Bu barədə bu gün şirkətin vitse-prezidenti Əli Əsgəri məlumat verib.
Onun sözlərinə görə, istehsalatın fevralın əvvəlində bərpa olunmasının əsas səbəbi 2 mindən artıq olan əməkdaşlarına əmək haqqının verilməsi ilə bağlı maliyyə problemlərinin aradan qaldırılması olub. Bununla yanaşı, enerji daşıyıcılarına xərclər də mövcuddur.
Müəssisə bu gün layihədəki mümkün güc - 1,4 min tondan təxminən 600-800 ton metal xammalı istifadə edir.
Hazırda şirkət martın sonuna qədər istehsalatı dayandırmamaq üçün kifayət qədər xammal həcmə malikdir.
"Əsas məqsədimiz istehsalatın növbəti dayandırılması nəticəsində baş verə biləcək əməkdaşların ştatının ixtisara salınmamasına çalışmaqdır", deyə o, bildirib.
