Azərbaycan,Bakı/müxbir Trend İ.Xəlilova/Bu gün Azərbacyan sərhədlərinin delimitasiya və demarkasiyası üzrə tədbirlər çərçivəsində Azərbaycan-Gürcüstan dövlət komissiyalarının növbəti görüşü keçirilir. Bu barədə Azərbaycanın Gürcüstandakı fövqəladə və səlahiyyətli səfiri Namiq Əliyev məlumat verib.
Onun fikrincə, sərhədlərin implementasiyasının müəyyən edilməsi ilə əlaqədar gündəlik gərgin iş gözlənilir. "Sözsüz ki, müzakirə prosesi asan olmayacaq və dövlət sərhədlərində yerləşmiş "David Qareci" kompleksinin ərazisi ilə bağlı problemlər var. Lakin çətin problemlər yoxdur və mövqelər bəllidir. Kompleksin əksər hissəsi Azərbaycan ərazisində yerləşir. Azərbaycan və Gürcüstan qardaş dövlətlərdir və bu cür problemlər həll olunur",- deyə N.Əliyev qeyd edib.
Onun sözlərinə görə, bu obyekt tam sərbəst olaraq iki dövlət tərəfindən turist kompleksi kimi istifadə oluna bilər. "Həmçinin açıq zonaların yaradılması da mümkündür, lakin sərhədələrin yenidən baxılmasına, fikirləşirəm ki, dəyməz", - deyə səfir qeyd edib.
Artıq mədəniyyət nazirləri arasında turist kompleksi, biznes və bütünlükdə turist fəaliyyətinin yaradılması barədə birgə iş haqda razılıq əldə olunub. Diplomat hesab edir ki, Azərbaycan kompleksin Gürcüstan ərazisində yerləşən hissəsinin Azərbaycan Respublikasına verilməsi üçün heç bir irad irəli sürmür. Böyük hissə onun ərazisindədir, həmçinin heç bir problem yoxdur. Ola bilsin ki, müqavilə əsasında onun birgə işlənməsi mümkündür, lakin bütün məsələlər delimitasiya üzrə dövlət komissiyalarının işinin tamamlanmasından sonra həll oluna bilər.
Bu gün ərazinin 60 faizi razılaşdırılıb və səfir hesab edir ki, bu il delimitasiya üzrə dövlət komissiyası daha məhsuldar işləyib.
Azərbaycan və Gürcüstanın 480 km-lik sərhədinin 380 km-i iki ölkənin dövlət komissiyaları səviyyəsində 2006-cı ildə razılaşdırılıb, bu da sərhədin ümumi uzunluğunun 65%-ni təşkil edir. Hazırda qalan 170 km üzrə işlər aparılır.