Azərbaycan, Bakı /müxbir. Trend U.İsmayılova/ Maliyyə Nazirliyinin sığortaya nəzarət şöbəsinin rəisi Namiq Xəlilovun cümə günü verdiyi məlumata görə, Kanadanın Lawrie Savage şirkəti Azərbaycanın İqtisadi İnkişaf Nazirliyinin sığortaya nəzarət bölməsinnin əməkdaşları üçün 2 həftə davam edəcək təlimlər keçir.
Onun sözlərinə görə, seminarlar sığortaya nəzarətdə beynəlxalq təcrübənin istifadəsi və və sığorta fəaliyyətində müasir nəzarət üsulları əsasında keçirilir. Seminarlar Kanada şirkətləri ilə sığorta sistemində islahatların keçirilməsi üçün dövlətə texniki yardım və Azərbaycanın sığorta qanunvericiliyinin təkminləşdirilməsi müqaviləsi çərçivəsində təşkil edilib.