Azərbaycan,Bakı/müxbir Trend İ.Xəlilova/Avropa Yenidənqurma və İnkişaf Bankı (AYİB) və UniLeasing lizinq şirkəti arasında şirkətin kapitalında iştirak haqqında müqavilənin imzalanması martın 14-də Bakıda baş tutacaq. Bu barədə UniLeasing şirkətindən məlumat verilib.
Avropa Bankı şirkətin 33% səhmlərinin əldə olunması üçün 0,7 milyon investisiya qoymağı planlaşdırır. Bununla yanaşı Avropa Bankı 3 milyon dollar kredit ayıracaq. Bu da UniLeasing-in çantasının artırılmasına və regional inkişafına kömək edəcək. Layihənin ümumi dəyəri 3,7 milyon dollar təşkil edir.
AYİB-in investisiyası UniLeasing-ə həm Bakı, həm də Azərbaycanın regionlarında bazar payını artırmağa imkan verəcək və çoxlu sayda kiçik və orta sahibkarları cəlb etməklə lizinq çantasını effektiv olaraq istifadə etməyə imkan verəcək.
Bu, AYİB-in iştirak etdiyi Azərbaycanda ilk lizinq layihəsidir. Əlavə kapitalla təminat və AYİB investisiyalırının institutional gücləndirilməsi UniLeasing-ə inkişaf edən lizinq bazarında lider şirkət olmağa imkan verəcək və o cümlədən, həm şəxsi, həm də kiçik və orta sahibkarlar tərəfindən lizinq məhsullarına olan tələbata dəstək verəcək.
UniLeasing 2004-cü ildə Azərbaycanda korporativ müştərilərinin sayına və geniş regional şəbəkəsinə görə lider olan UniBank tərəfindən yaradılıb. Əməliyyatların başlanmasından iki ildən az bir vaxtda lizinq şirkəti əhəmiyyətli lizinq çantası yaradıb və Azərbaycanın lizinq bazarında 20% pay əldə edib.
