Azərbaycan,Bakı/müxbir Trend S.Babayeva/Yanvar-fevral aylarında Azərbaycanda 318,2 milyon manat dəyərində tikinti işləri həyata keçirilib. Bu göstərici 2006-cı ilin uyğun dövrü ilə müqayisədə 43,9 faiz çoxdur. Bu barədə Azərbaycan Dövlət Statistika Komitəsindən məlumat verilib.
Tikinti sahəsində göstərilən xidmətlərin ümumi həcmindən dövlət müəssisələri tərəfindən 90,6 mln. manat, özəl müəssisələr tərəfindən 227,6 mln. manat həcmində işlər həyata keçirilib.
Ümumi tikinti işləri həcminin 81,6 faizi və ya 259,6 mln. manatlığı yeni tikililərin, bərpa və genişləndirməsi işlərinin, 10,9 faizi və ya 34,8 mln. manatı kapital təmirin, 3,8 faiz və ya 12 mln. manat cari təmirin, 3,7 faiz və ya 11,8 mln. manat digər tikinti işlərinin payına düşür.
Tikinti sahəsində işləyənlərin orta nominal əmək haqqı 2007-ci ilin yanvarında 415,1 manat təşkil edib, bu da 2006-cı ilin uyğun dövrü ilə müqayisədə 34,3 faiz çoxdur.
