...

BP-Azərbaycan və AMB Azərbaycan iqtisadiyyatının sabit inkişafı üçün tədqiqat aparılması imkanlarını müzakirə ediblər

Biznes və iqtisadiyyat xəbərləri Materials 17 Aprel 2007 17:17 (UTC +04:00)

Azərbaycan, Bakı/ Trend müxbir İ.Xəlilova/ Azərbaycan Milli Bankında qurumun rəhbəri Elman Rüstəmov və BP-Azərbaycan-ın yeni prezidenti Bill Şreyder arasında görüş keçirilib. Bu barədə Bankın məlumatında göstərilib.

Tanışlıq xarakteri daşıyan görüşdə Azərbaycanda neft sahəsində çalışan şirkətlər, bank sektorunda islahatlar, sabit iqtisadi inkişafın dəstəklənməsi üçün tədbirlər barədə fikir mübadiləsi aparılıb. Həmçinin Azərbaycanın sabit iqtisadi inkişafının təmin olunması üçün müxtəlif araşdırma işlərinin aparılması və digər işlərin görülməsi imkanları vurğulanıb.

Hazırda BP-Azərbaycan şirkəti Beynəlxalq Maliyyə Korporasiyası ilə birlikdə Azərbaycanın neft sektorunda çalışan servis şirkətlərinin dəstəklənməsi üçün innovasiya strukturu yaratmağı planlaşdırır. Bu strukturun yaradılmasında əsas məqsəd kiçik və orta müəssisələrin kreditləşdirilməsidir. Müəssisələr Azərbaycan Mikromaliyyələşdirmə Bankı vasitəsilə maliyyələşdiriləcək.

Strukturun ümumi büdcəsi 15 mln dollar təşkil edəcək ki, bu da hər üç iştirakçının iştirakı ilə formalaşdırılacaq (BMK, BP-Azərbaycan və AMB).

Xəbər lenti

Xəbər lenti