Azərbaycan, Bakı/ Trend / Bu gün Avropa Ali Maliyyə Nəzarəti Orqanları Təşkilatının (EOROSAI) ətraf mühitin mühafizəsi sahəsində audit üzrə işçi qrupunun koordinatoru Zbiqnev Vesolovskinin Bakıya səfəri başa çatıb. Bu barədə Azərbaycanın Hesablama Palatasından bildirilib.
Aprelin 20-dən başlayan səfərdə məqsəd ətraf mühitin mühafizəsi sahəsində audit təcrübəsi ilə bağlı fikir mübadiləsi aparmaq idi.
Koordinator Hesablama Palatasının sədr müavini Abbas Allahverdiyevlə görüşüb. Hesablama Palatasının təmsilçisi koordinatoru Azərbaycanda bu sahə ilə bağlı məlumatlandırırb. Görüşdə əməkdaşlığın inkişafı məsələləri müzakirə olunub. Səfər çərçivəsində Hesablama Palatasının nümayəndələrinə "Korporativ auditin metodologiyası" təqdim olunub. EUROSAI koordinatorunun səfəri aprelin 25-də başa çatıb.
Avropa Ali Maliyyə Nəzarəti Orqanları Təşkilatı 186 ölkənin ali maliyyə nəzarəti orqanlarını birləşdirən Beynəlxalq Ali Maliyyə Nəzarəti Orqanları Təşkilatının (INNOSAI) regional təşkilatıdır.
