Azərbaycan, Bakı /müx. Trend S.Babayeva/ Bakıda MDB standartlaşdırma üzrə elmi-texniki komissiyasının 33-cü iclası və MDB dövlətlərinin informasiya texnologiyaları işçi qrupunun 16-cı toplantısı keçirilir. Bu barədə cümə axşamı Standartlaşdırma, Metrologiya və Patent üzrə Dövlət Agentliyindən məlumat veriblər. İclaslar mayın 4-də yekunlaşacaq.
Müzakirələr zamanı 30-dək məsələyə toxunulacaq, o cümlədən standartların qəbulu, ölkələr arasında əməkdaşlığın inkişafı və s. məsələlər müzakirə ediləcək.
İclaslarda Azərbaycan, Belarus, Gürcüstan, Qazaxıstan, Moldova, Özbəkistan, Rusiya və Ukraynanın müvafiq dövlət orqanlarının nümayəndələri iştirak edir.
Mayın sonunda Bakıda həmçinin MDB patent idarələri rəhbərlərinin görüşünün keçiriləcəyi gözlənilir.