Azərbaycan, Bakı /müx. Trend Ü.İsmayılova/ "Gorqud Sigorta" şirkəti özünün inkişafı ilə bağlı genişmiqyaslı işlərə başlayıb. Bu barədə cümə günü şirkətin baş direktoru Rəşad Əhmədov məlumat verib.
İlin əvvəlindən "Gorqud Sigorta" "Birlik Sigorta"nı əvəzləyib. Şirkətdə qeyri-peşəkar struktur və menecmentlə bağlı çatışmazlıqların aradan qaldırılması üçün kadr islahatları aparılıb.
Xatırladaq ki, "Birlik Sigorta" şirkəti 1992-ci ildən fəaliyyət göstərirdi. "Gorqud Sigorta" isə ilin əvvəlindən qeydiyyata alınıb.
Əhmədovun sözlərinə görə, sığorta sisteminin inkişafı üçün şirkət Maliyyə Nazirliyinə sığorta kreditləşməsi məqsədi ilə sənədləri təqdim edib. Bunun yaxın 10 gündə veriləcəyi gözlənilir.
