Azərbaycan,Bakı/müxbir Trend Ü.İsmayılova/ "Xalq Sigorta" şirkəti filial şəbəkəsini genişləndirir. Bazar ertəsi şirkətdən verilən məlumata əsasən, birinci filial Sumqayıtda fəaliyyətə başlayıb.
Şirkətin filialı könüllü növlər üzrə 20 xidmət və şirkətin lisenziyasına malik olduğu üç icbari sığorta növü üzrə xidmətlər göstərəcək.
2005-ci ildən fəaliyyət göstərən "Xalq Sigorta"nın nizamnamə kapitalı 1 maya əsasən 2 mln. manat təşkil edir.
Maliyyə Nazirliyinin məlumatına əsasən, birinci rübdə şirkətin sığorta haqları 1,86 mln. manat, ödəmələri isə 0,20 mln. manat təşkil edib.
