Azərbaycan,Bakı/müxbir Trend S.Əliyev/İran İslam Respublikasının nəqliyyat naziri Möhəmməd Rəhmətinin Bakıya səfəri mayın 23-də baş tutacaq. Bu barədə çərşənbə axşamı İranın Azərbaycandakı səfirliyindən məlumat verilib. Səfər 1-2 mart tarixində baş tutmalı idi, lakin sonra görüş aprelin əvvəlinə təxirə salındı.
İran nazirinin Azərbaycana səfəri çərçivəsində avtomobil və dəmir yolu əlaqəsi sahəsində məsələlərin, həmçinin "Şimal-Cənub" dəhlizi və digər layihələrin müzakirəsi planlaşdırılır.
İran ərazisindən Naxçıvan Muxtar Respublikası ilə avtobus əlaqəsinin açılması layihəsinin də müzakirəsi nəzərdə tutulur.
"Şimal-Cənub" nəqliyyat dəhlizi layihəsi Avropadan Rusiya, Azərbaycan və İran vasitəsilə Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılması üçün 400 mln. dollardan çox vəsait tələb olunur. İşlərin böyük hissəsini Azərbaycan sərhədinə qədərə dəmir yolu əlaqəsi olmayan İranda görmək lazımdır. 20 mln. dollar həcmində müəyyən işləri isə Azərbaycanda aparmaq lazımdır.
Azərbaycan nəqliyyat ekspertlərinin qeyd etdiyi kimi, bu layihənin reallaşdırılması ilə bağlı tələsmək lazım deyil. Respublikada görülməsi planlaşdırılan işlərin həcmi böyük deyil. Astara (AR) satnsiyasına qədər təxminən 7,5 km sahəni, təkər cütlərinin dəyişdirilməsi üçün sistemli stansiyanı, sərhədyanı və gömrük infrastrukturunu tikmək lazımdır. Həmçinin sərhəd dəmir yol körpüsünü də inşa etmək lazımdır. Lakin bü layihənin reallaşdırılması paritet əsaslarla İranla birgə həyata keçiriləcək.