Azərbaycan, Bakı/müxbir Trend İ.Xəlilova / Azərbaycanın Banklar Assosiasiyası (ABA) MDB və Şərqi Avropa ölkələrinin Koordinasiya Şurasının üzvü olmağı planlaşdırır. Bu barədə cümə axşamı Assosiasiyanın icraçı direktoru Fərhad Əliyev məlumat verib. Onun sözlərinə görə, bu təşəbbüslə ABA prezidenti Eldar İsmayılov iyunun üçüncü ongünlüyünə planlaşdırılan Assosiasiyanın ümumi yığıncağında çıxış edəcək.
Yaxın zamanlarda bu təşkilat Azərbaycanın bank ictimaiyyətinə Şuranın təsis sənədlərini təqdim edəcək. Koordinasiya Şurası çərçivəsində ABA bu gün Rusiya, Ukrayna, Serbiya, Qazaxıstanın banklar assosiasiyaları ilə əməkdaşlıq edir, həmçinin onun tədbirlərində iştirak edir. 2007-ci ilin mayında Özbəkistanda keçirilən "Pərakəndə bank biznesinin inkişafı" beynəlxalq konfransında da ABA prezidenti iştirak edib.
