Azərbaycan, Bakı /müxbir Trend İ.Xəlilova/ Bu ilin ötən dövrü ərzində Sahibkarlığa Kömək Milli Fondunun vəsaiti hesabına müvəkkil kredit təşkilatları vasitəsilə respublikanın 41 şəhər və rayonu üzrə 118 sahibkarlıq subyektinin investisiya layihəsinin maliyyələşdirilməsinə 15 mln. manat həcmində güzəştli kredit verilib. Bu barədə cümə günü İqtisadi İnkişaf Nazirliyindən məlumat verilib.
Milli Fond güzəştli kreditlərin verilməsi üçün ilin əvvəlindən dövlət büdcəsindən ayrılmanı tamamilə mənimsəyib.
Maliyyələşdirilən layihələrin 77%-i respublikanın regionlarının payına düşür. Kreditləşdirilən layihələrin 88%-ni isə istehsal və emal yönümlü layihələr təşkil edir.
Güzəştli kreditlər əsasən, sənaye məhsulları istehsalı, kənd təsərrüfatı məhsullarının istehsalı və emalı, kəndli fermer təsərrüfatlarının, turizm infrastukturunun, xidmət sahələrinin inkişafı layihələrinin maliyyələşdirilməsinə yönəldilib.
2007-ci ilin ötən dövründə verilmiş güzəştli kreditlər hesabına maliyyələşdirilən layihələrin həyata keçirilməsi nəticəsində 1700-dən çox yeni iş yerinin yaradılacağı gözlənilir.
2007-cı ildə bu məqsədlə dövlət büdcəsindən 80 mln. manat vəsaitin ayrılması nəzərdə tutulur. Bu vəsaitin 6 mln. manat həcmində olan hissəsi Naxçıvan Muxtar Respublikasında sahibkarlığın inkişafına yönəldiləcək.
