Azerbaycan, Bakı/müxbir Trend / Cümə günü Dövlət Gömrük Komitəsinin (DGK) sədri Aydın Əliyev bildirib ki, 1 aprel tarixindən etibarən spirtli içkilər üçün yeni aksiz tariflərinin qüvvəyə minməsi səbəbindən bu məhsulların 2007-ci il aprel tarixindən Azərbaycana idxalına qadağa qoyulub. "Bu qanunun qüvvəyə minməsinə qədər, yəni yanvar-mart ayları ərzindəki dövrdə Azərbaycana kifayət qədər spirtli məhsul idxal olunub, amma aprel ayından idxalın tempi zəifləyib" - deyə o bildirib. DGK sədri əmindir ki, iyun-iyul aylarından başlayaraq vəziyyət qaydaya düşəcək, belə ki, idxal olunan spirtli içkilər artıq yerli bazarda müəyyən nüfuz qazanıb.
Respublikada üzümçülüyün inkişafını stimullaşdırmaq, üzüm zavodlarının gücündən effektiv istifadə etmək, daxili bazarı müdafiə etmək, həmçinin bu sektordan gələn büdcə gəlirlərini tənzimləmək məqsədilə idxal olunan spirtli içkilərə olan tarif 1,5-2 dəfə artırılıb.
Nazirlər Kabinetinin qərarına əsasən, "220300" (pivə) əmtəə mövqeyinə olan aksiz tarifləri bir litr üçün 0,7 dollardan 1,0 dollara, "2204" (araq) mövqeyinə olan tarif 1,5 dollardan 2,5 dollara qaldırılıb ("2204301000", yəni dondurulma, piqmentasiya və spirtə edilən digər əlavələrin köməyilə hazırlanan üzüm mayesi istisna olmaqla).
Bu məhsulların tarifi əvvəlki kimi 1 litr üçün 0,05 dollardır. "2205" və "220600" (vermut və digər üzüm araqları) əmtəə mövqeləri üçün 1,5 dollardan 2,5 dollara, "220820" (distilə yolu ilə alınmış güclü spirtli içkilər), "2208302" (viski), "220840" (rom), "220850" (cin), "220860" (araq), "220870" (likor) və "2208901100-2208907800" (meyvələrdən hazırlanan araq) üçün isə 3,0 dollardan 6,0 dollara qədər qaldırılıb.
