Azərbaycan, Bakı / Trend / Azərbaycanın Dövlət Gömrük Komitəsi Xaçmaz gömrük idarəsinin "Samur" gömrük-keçid məntəqəsinin kompleks tikintisi ilə bağlı tender elan edib.
Qurumun yaydığı məlumatda bildirilir ki, tender çərçivəsində layihə-smeta sənədlərinin hazırlığı və tikinti işləri nəzərdə tutulur.
Kompleks tikintisinə məntəqənin özü və təchizatı ilə yanaşı işçi pavilyonlarının və meydançanın inşası daxildir. Bütün işlər 2007-ci ilin dördüncü rübündə görülməlidir.
Təkliflər iyulun 13-dək qəbul olunacaq. Tenderdə iştirakın qiyməti 1 min manatdır. Tender təkliflərinin yer aldığı zərflər iyulun 16-da komitədə açılacaq.
