Azərbaycan, Bakı /müx. Trend İ.Xəlilova/ Bazar ertəsi Azərbaycan Milli Bankının Bank nəzarəti şöbəsinin rəhbəri Adışirin Qasımov "Şəffaflığın artırılması və kapitala çıxışın yaxşılışdırılması" ilə bağlı reytinq konfransında bildirib ki, Azərbaycan bankları xarici kapitalın cəlb olunmasını aktivləşdiriblər.
Onun sözlərinə görə, vəsaitlərin cəlb olunması əsasən kreditlər və subordinasiya edilmiş borclar şəklində mümkün olur.
Əgər 2005-ci ildə onların ümumi həcmi 137 mln. manat, 2006-cı ildə 444 mln. manat idisə, bu göstərici 2007-ci ildə 500 milyona çatıb.
Konfrans ACDI VOCA təşkilatı tərəfindən təşkil olunub, kiçik və orta sahibkarlıq vasitəsilə maliyyə sektorunun inkişafına dəstək layihəsi çərçivəsində ABŞ-ın Beynəlxalq İnkişaf Agentliyi tərəfindən maliyyələşdirilib. Konfransın əsas məqsədi banklar və banklararası kredit təşkilatları tərəfindən beynəlxalq reytinqlərin alınmasını stimullaşdırmaqdır. Təşəbbüs həmçinin maliyyə təşkilatlarının kommersiya kapitalı alması və maliyyə sektoruna daha şəffaf çıxışı üçün şərait yaradacaq.