Azərbaycan, Bakı/ Trend müxbir İ.Xəlilova/ Azərbaycan Milli Bankı (AMB) İpoteka Fondunun (AİF) vəsaitləri hesabına Azərbaycan Beynəlxalq Bankı (ABB) tərəfindən ipoteka kreditlərinin verilməsinin gecikdirilməsini əsaslı hesab edir.
AMB İdarə Heyətinin sədr müavini Rüfət Aslanlı bildirib ki, AİF-in digər bank-agentlərindən fərqli olaraq, ABB daha böyük filial şəbəkəsinə malikdir, buna görə də o, ipoteka kreditləşməsinə xüsusi yanaşır. Bunun üçün ABB ayrıca filial açıb və əməkdaşları üçün treninq keçirib.
O təsdiq edib ki, azsaylı filialı olan bankların hazırlıq işləri üçün vaxt az sərf olunur.
"Nəzərə alınsa ki, bu maliyyə alətinin gəlirliliyi digərləri ilə müqayisədə azdır, qazanc fəaliyyəti üçün hər bir bank öz strategiyasını, stabil əməliyyat gəlirləri üçün öz portfelini hansı səviyyəyə çatdırmağı müəyyənləşdirir" - deyə Aslanlı söyləyib.
Bu gün Azərbaycanda orta spred (əsas mənbədən verilən ipoteka vəsaiti və kredit arasında faiz fərqi) 6 faiz təşkil edir. İpoteka kreditləri üzrə isə hətta 3-4 faizə də çatmır. Bundan əlavə, ilkin mərhələdə kreditlər bank-agentlərin öz vəsaitləri hesabına ayrılır. Sonrakı mərhələdə isə 1-2 ay müddətində İpoteka Fondundan vəsaitlər ayrılır və yenidən maliyyələşdirmə aparılır. Buna görə də banklar öz imkanlarından asılı olaraq bazarda fəallıq göstərirlər.
Hazırda Azərbaycanda 44 bank fəaliyyət göstərir, bunlardan cəmi 23 bank İpoteka Fondunun agentidir.