Azərbaycan, Bakı/ Trend müxbir Ü.İsmayılova/ İyun ayında Bakıda mənzillərin orta kirayə haqqı 606 dollar təşkil edib. Bu barədə "Daşınmaz əmlak bazarının iştirakçıları" ictimai birliyinin məlumatında göstərilib. Bakının I və II zonalarında icarə haqlarının 3,4 faiz həcmində azalması müşahidə olunub.
İyun ayında kommersiya sahələrinin icarəsində qiymət indeksi 3 faiz artaraq hər kvadratmetr üçün orta qiymət $2633 təşkil edib.
Ötən aylarla müqayisədə kommersiya sahələrinin icarə bazarında qiymət indeksinin 1 faiz artımı müşahidə olunub. Kommersiya sahələrinin hər kvadratmetri üçün icarə $21,2 olub.