Azərbaycan, Bakı, /müx. Trend S.Babayeva/ "Azərsu" Səhmdar Cəmiyyəti içməli suyun təmizlənməsi məqsədilə kimyəvi reagentlər almaq niyyətindədir. Bunun üçün 2008-ci ilə olan su tələbatını ödəmək məqsədilə reagentlərin alışı ilə bağlı tender elan olunub, SC-nin məlumatında bu barədə bildirilib.
Tender bir lot üzrə, yəni koaqulyantların (kiçik hissəçiklərin toqquşma zamanı birləşmə prosesini sürətləndirən maddə) alışı üzrə keçirilir.
Tenderdə iştirak etməkdə maraqlı olan şirkətlər 100 manat həcmində məbləğ ödəməli və öz təkliflərini sentyabrın 26-na qədər təqdim etməlidirlər. Tender proseduru sentyabrın 27-də SC-də baş tutacaq.
Alınmış reagentlər mərhələlərlə, hər ay eyni həcmdə təqdim olunmalıdır.
