Azərbaycan, Bakı /müx. Trend S.Əliyev/ TRACECA-nın Azərbaycandakı milli katibi Akif Mustafayevin verdiyi məlumata görə, sentyabrın ikinci on günlüyündə Düşənbədə (Tacikistan) TRACECA nəqliyyat dəhlizinə üzv dövlətlərin milli katiblərinin iclası keçiriləcək.
Onun sözlərinə görə, noyabrın 21-23-də Astanada baş tutacaq bu görüş TRACECA-nın hökumətlərarası komissiyasının qarşısında sonuncu görüş olacaq.
Milli katiblərin görüşündə biznes şurasının yaradılması məsələsinin müzakirəsi nəzərdə tutulur ki, şuraya nəqliyyat dəhlizinin işində iştirak edən və onun vasitəsilə daşımalar həyata keçirən iş adamları və biznesmenlər daxil olacaq. Belə bir şuranın yaradılması nəqliyyat dəhlizində mövcud olan problemləri operativ olaraq həll etməyə imkan verəcək.
Həmçinin TRACECA-nın investisiya fondunun yaradılması imkanlarının da müzakirə olunacağı nəzərdə tutulur. Bu məsələ qəbul olunduğu təqdirdə, hökumətlərarası komissiyanın təsdiqinə təqdim ediləcək.