Azərbaycan, Bakı / Trend müxbir İ.Xəlilova/ Bakı fond birjası (BFB) Avrasiya fond birjaları Federasiyasının (FEAS) Baş Assambleyasında iştirakla bağlı dəvət alıb. Toplantı sentyabrın əvvəlində Belqradda keçiriləcək. Bu barədə çərşənbə günü BFB-in idarə heyətinin sədri Xəyal Abdinov məlumat verib. Assambleyada iştirak edəcək qrupun tərkibi hələlik müəyyənləşdirilməyib.
Toplantıya təşkilatın ötənilki və 2008-ci il büdcəsinin, habelə FEAS çərçivəsində təklif olunan yeni proqramların müzakirəsi gözlənilir. "Bu qurumun müxtlif istiqamətlərdə (treninqlər, informasiya) çoxlu proqramları var. FEAS proqramı hesabına BFB əməkdaşları bu il İstanbul fond birjasının iş təcrübəsini öyrənmək məqsədilə Türkiyəyə göndərilmişdilər" - deyə Abdinov vurğulayıb.
Azərbaycan 2001-ci ildən FEAS-ın üzvüdür.