Azərbaycan, Bakı / " , müxbir İ.Xəlilova / Azərbaycan Banklar Assosiasiyasının (ABA) MDB, Mərkəzi və Şərqi Avropa ölkələrinin bank assosiasiyalarının Beynəlxalq Koordinasiya Şurasına daxil olması ilə bağlı rəsmi müraciət etmək məqsədilə qurumun prezidenti Eldar İsmayılov avqustun 23-ü Moskvaya yola düşücək. Bu barədə çərşənbə axşamı ABA-nın icraçı direktoru Fərhad Əliyev məlumat verib.
Bu təşkilata qoşulmaq barədə qərar ABA-nın iyulun 7-də keçəirilən iclası zamanı qəbul olunub.
"Üzvlük üçün ilk növbədə rəsmi məktub təqdim edilməlidir və şurada təmsil olunan bank birliklərinin müvafiq müraciətlə tanış olmasından sonra müraciət növbəti görüşdə nəzərdən keçirilə bilər" - deyə Əliyev bildirib.
Beynəlxalq Koordinasiya Şurasının yığıncağı sentyabr ayında baş tutacaq. Əliyevin sözlərinə görə, bu təşkilata üzvlük hər hansı üzvlük haqqının ödənilməsini nəzərdə tutmur.
Beynəlxalq Bank Assosiasiyasına üzvlüyün digər assosiasiyalarla əməkdaşlığın qurulmasına, qlobalizasiya porosesi üçün mühüm olan əlavə məlumatın əldə edilməsinə müsbət təsir edəcəyi gözlənilir.