Azərbaycan, Bakı / Trend , müxbir İ.Xəlilova / "Bank Respublika" Asiya İnkişaf Bankı (AİB) ilə 10 mln. dollar həcmində kredit xəttinin açılması barədə danışıqlara başlayıb. Bu barədə məlumat "Bank Respublika"dan verilib.
"Razılaşmanın əldə olunmasından sonra iki ay ərzində kredit vəsaitlərinin açılması mümkündür" -deyə bankdan bildiriblər.
Bu artıq AİB-in "Bank Respublika" üçün ikinci kredit xətti olacaq. 5 mln. dollar həcmində olan birinci xətt 2007-ci ilin əvvəlində açılıb və onun vəsaiti artıq istifadə olunub. Kredit vəsaiti öncədən ticarətin maliyyələşdirilməsi, kiçik və orta müəssisələrin genişləndirilməsi istiqamətində təyin olunub.
AİB həmin bankla Azərbaycanın bank sektoru üzrə kredit partfelinin 2007-ci ilin sonunadək indiki 17 mln. dollardan 120 mln. dollara qədər genişləndirilməsi ilə bağlı danışıqları fəallaşdırıb.
Ötən həftə AİB-in meneceri Azərbaycan bankına ticarətin maliyyələşdirilməsində ikinci mikromaliyyə kreditinin 2 mln. dollar həcmində açılmasını təsdiq edib.
Hazırda Azərbaycanın daha dörd bankı ilə mümkün kredit xətlərinin açılması istiqamətində danışıqlar aparılır.
