Azərbaycan ilk fransız təyyarəsi almağa hazırlaşır
Azərbaycan, Bakı / Trend , müxbir S.Əliyev/ Cümə günü Azərbaycan Hava Yolları (AZAL) dövlət konserni Fransanın ATR şirkətinin altı təyyarəsindən ilkini əldə edəcək. AZAL-ın mətbuat xidmətindən cümə axşamı verilən məlumata görə bu təyyarə əsasən daxili reyslərdə və regional marşrutlarda istifadə olunacaq.
İlin sonuna qədər Azərbaycana daha bir təyyarə gətiriləcək. 2008-ci ildə ölkə daha dörd belə hava nəqliyyatı əldə edəcək.
AZAL Fransanın ATR şirkətinin yeni təyyarələrini ilk növbədə Naxçıvan, Gəncə, Lənkəran və Zaqatala hava limanlarına sərnişin daşınmalarında istifadə edəcək.
Dövlət konserni ATR tipli təyyarələr istehsalı ilə məşğul olan Fransanın aviatikinti şirkətinə iki ATR - 42 - 500S və dörd ATR - 72 - 500S təyyarələrinin istehsalı üçün sifariş edib. Müqavilənin ümumi məbləği 97,2 mln. dollar təşkil edir. Bu 50-70 sərnişinlik çox da böyük olmayan təyyarələr olacaq. Altı yeni təyyarənin əldə edilməsi Azərbaycana Antonov vəTupolev markalarını əvəz etməklə aviaparkı yeniləşdirməyə və yeni regional marşrutlar yaratmağa imkan verəcək.
