Azərbaycanın sığorta şirkətləri müştəri uğrunda mübarizəyə hazırlaşırlar

Azərbaycan, Bakı/ Trend müxbir Ü.İsmayılova/ Trend ın rəyini soruşduğu Azərbaycanın sığorta şirkətləri bildiriblər ki, sığorta bazarına yeni güclü şirkətin daxil olması ilə müştərilərin cəlb olunması uğrunda mübarizə başlayacaq.

"Müştəri uğrunda mübarizə - bu bazarın qaçılmaz tendensiyasıdır",- deyə rəyi soruşulan sığorta şirkətləri idarə heyətlərinin sədrləri bildiriblər.

Hazırda fəaliyyət göstərən 29 sığorta şirkətinin rəqibi Bakı Sigorta ola bilər. Bu şirkət hazırda təsisçilərinin dəyişikliyi gedən Tural Sigorta şirkətinin bazasında yaradılacaq.

Şirkətin yeni sahibinin Bank Respublika olacağı gözlənilir.

Bankın səhmdarları hazırda bu məsələ üzərində işləyirlər.

Rəyi soruşulan şirkətlər bildiriblər ki, güclü rəqib bazarda peşəkarlığın və rəqabətin artmasına yardım edəcək.

Azərbaycanda mövcud olsan sığorta şirkətlərinin birinci yarımildə gəlirləri 70,68 mln. manat, ödəmələri isə 16,26 mln. manat olub.