Azərbaycan, Bakı/ Trend / Azərbaycan Dövlət Neft Şirkəti "Bahar-2" dəniz qaz yatağında qiymətləndirmə quyusu qazmaq niyyətindədir. Bu barədə ARDNŞ-dən məlumat verilib.
"Quyu yataqdakı qaz ehtiyatlarının qiymətləndirilməsinin artırılması üçün nəzərdə tutulub",-deyə ARDNŞ-dən bildirilib.
Şirkət artıq Bakıdan 30 km. məsafədə yerləşən "Bahar" yatağında yeni yüksək debitli quyu qazıb. 4100 metr dərinlikdə qazılmış quyunun sutkalıq debiti 190 min kubmetr qaz və 25 ton kondensatdır. Ehtiyatda hələ 3-4 məhsuldar sahə qalır.
ARDNŞ-in öz qaz hasilatını artırması proqramına əsasən, 2 il ərzində qaz hasilatı iki dəfə artaraq, 2008-ci ilin sonuna 8 mlrd. kubmetr təşkil etməlidir.
