Azərbaycan, Bakı/ Trend / 2007-ci ilin yanvar-sentyabr aylarında "Azəri-Çıraq-Günəşli" (AÇQ) yatağında işləyən Azərbaycan Beynəlxalq Əməliyyat Şirkəti (ABƏŞ) 24,222 mln. ton Azeri Light markalı neft hasil edib ki, bu da 2006-cı ilin yanvar-sentyabr aylarından 7,886 mln. ton çoxdur.
ABƏŞ-dən çərşənbə axşamı bildirilib ki, 2007-ci ilin yanvar-sentyabr aylarında "Çıraq" yatağından 2006-cı ilin yanvar sentyabr aylarındakı 5,405 mln. tona qarşı 4,909 mln. ton neft hasil olunub. "Azəri"yatağından yanvar sentyabr aylarında, ötən ildəki 10,93 mln. tona qarşı,19,313 mln. ton neft hasil olunub.
2007-ci ilin sentyabr ayında "Çıraq" yatağında neft hasilatı 2006-cı ilin sentyabrı ilə müqayisədə, 511,519 min tona qarşı 394,1 min ton təşkil edib. "Azəri" yatağından hasilat isə, sentyabr ayında 2006-cı ilin eyni dövrü ilə müqayisədə, 1,636 min tona qarşı 1,153 mln. ton olub.
2006-cı ildə ABƏŞ müqavilə sahəsində 23,260 mln. ton Azeri Light markal neft hasil edib ki, bu da 2005-ci ildən 13,074 mln. ton çox olub. 2006-cı ildə "Çıraq" yatağında hasilat 6,977 mln. ton (2005-ci il-7,028 mln. ton) "Azəri" yatağında isə 16,283 mln. ton (2005-ci il - 6,109 mln. ton) neft hasil olunub.