Azərbaycan, Bakı, 25 yanvar/ Trend , müxbir İ.Xəlilova/ Azərbaycan Dövlət Neft Fondunun gəlirlərinin artacağının gözlənilməsi ilə bağlı olaraq və əcnəbi təcrübənin istifadəsini nəzərə almaqla, Fondun aktivlərinin idarə edilməsi üçün yeni əcnəbi menecerlərin cəlb edilməsi 2008-ci ilin sonu, 2009-cu ilin əvvəlinə təsadüf edə bilər. Bu barədə cümə günü ARDNF-nin icraçı direktoru Şahmar Mövsümov 2007-ci ilin yekunlarına həsr olunan mətbuat konfransında bildirib.
ABŞ-ın Ticarət və İnkişaf üzrə Agentliyinin (USTDA) texinki yardım layihəsinin üçüncü fazası çərçivəsində, Neft Fonunda əcnəbi menecerlərin idarə edilməsi sisteminin yaradılması nəzərdə tutulur. Bundan sonra yeni menecerlərin cəlb edilməsi gözlənilir.
"Bu gün biz mövcud menecerlərin fəaliyyətindən razıyıq və onlarla müqavilələrimiz davam etdiriləcək", - Mövsümov bildirib.
Hazırda Neft Fondunun üç əcnəbi meneceri var. Onların idarəsinə verilən aktivlərin ümumi portfeli $239,96 mln. təşkil edir. Fondun aktivlərindən Clarident (Credit Suisse - in bölməsi) bankının sərəncamında $49,8 mln. , Deutschebank Asset Management - $83,13 mln, RAMP proqramı Reserve Assets management programme) çərçivəsində Dünya bankının xəzinədarlığının idarəsində isə, $107,03 mln. aktiv var.
Deutschebank-ın idarəsində olan vəsaitlərin xüsusi çəkisi 34,65% , Clarident - 20,75% , DB - 44,6% təşkil edir. Ötən ilin yekunlarına görə, Fondun Clarident-ə verilən portfelinin idarə olunmasından gəlirlilik 6,43% , Deutschebank- 5,82% , DB - 7,08% olub.
2008-ci il yanvarın 1-nə olan vəziyyətə görə, Neft Fondunun aktivləri ötən ilin əvvəli ilə müqayisədə 70% artaraq, $2475,4 mln. təşkil ediblər.